Ola a tod@s!
O xoves da semana pasada fomos de excursión á lagoa e praia de Mera!
Aínda que o tempo ao principio non acompañou... á metade da mañá mellorou e a partir de aí foi estupendo!
Á chegada fomos coas monitoras Zara e Marta á praia onde nos puxemos a investigar que é o que había alí e... atopamos unha chea de cousas: cunchas, algas, anemones, cangrexos... Por desgraza tamén vimos lixo, pero polo menos démonos conta da importancia que ten recoller os nosos desfeitos e usar as papeleiras!
Tras unha dura xornada de investigación tiñamos que repoñer forzas e merendamos protexéndonos da choiva. Despois fixemos uns xogos e... á lagoa!
Unha vez na lagoa puidemos ver unha chea de especies de aves como: os lavancos, cisnes, ras, tartarugas, parrulos... e as monitoras prestáronnos uns prismáticos para poder ver as aves que estaban máis afastadas!
E ata aquí por hoxe... ata a próxima!